नेपाली हास्यव्यङ्ग्य अनलाइन पत्रिका

पदम भण्डारी :

शिवजीको नागरिकतामा थियो- “चाम्लिङ”,
तर पार्वतीको नागरिकतामा थियो – “गिरी”

शायद बिहे अगाडि नै बनाएको नागरिकता भएर होला
गणेशजी बोले – “म त गुरुङ हुँ”,
ब्रह्माले मुस्कुराएर बोले – “म त ब्राह्मण हुँ”।

बुद्धको नागरिकतामा थियो – “गौतम”
त्यसैले उनले ब्रह्मालाई जिस्काए –
“म पनि त ब्राह्मण हुँ ।“

रामको नागरिकतामा थियो – “विश्वकर्मा”
कृष्णको नागरिकतामा थियो – “सार्की”
इन्द्रको नागरिकतामा थियो – “जोशी”

सरस्वतीको नागरिकतामा थियो – “श्रेष्ठ”
लक्ष्मीको नागरिकतामा थियो – “चाचान”
हनुमानको नागरिकतामा थियो – “आले मगर”

यमराजको नागरिकतामा थियो – “हुसेन”
देवताले पनि “जात” नभएपछि दुःख पाएका थिए

अब त सजिलो हुने भयो
ब्रह्माले बनाए “मानव” मात्र
हामीले बनायौं – “चार वर्ण छत्तिस जात”
अब त “सृष्टिकर्ता” लाई पनि जात चाहियो
खोज्दै छौं बुद्धको थर कागजमा
भुल्दै छौं उनको शिक्षा मनमा
मान्छे-मान्छेमा राम्रो देख्ने

जातले नभएर कर्मले हो
तर हामी कर्म हैन जात खोज्दैछौं ।

हे भगवान ! म पनि भण्डारी हुँ
जात नभए त ‘स्वर्ग’ मा पनि ठाउँ छैन होला नि !

०००
चितवन