नेपाली हास्यव्यङ्ग्य अनलाइन पत्रिका

सुरेशकुमार पाण्डे :

दिनानुदिन हुन्छ आन्दोलन
मेरो देशमा लगातार संघर्ष
भनौँ त कुन पुस्ताले चलाएनन्
आन्दोलन
कहिले राणाको बिरोधमा चल्यो
कहिले राजाको बिरूद्धमा
कहिले भ्रष्टाचारको बिरूद्धमा
चलाए आन्दोलन
चल्दै छ निरन्तर आन्दोलन
रात नभनि दिन नभनी
उब्जिरहन्छन्
संङ्घर्ष का श्रोतहरू
जन्मिरहन्छन् देशको आँगनीमा
निरन्तर ज्वाहारभाटाहरू
विकाशको नाउँमा
बन जङ्गल फँडानी भयो र सकियो
खोला नालाहरू पनि सकिए
आज महल त होइन तर
घरहरू पक्की बनेका छन्
तिीसुख्खा बगरहरूमा
गिट्टी र बालुवा भेट्टिँदैन अब
मेर देशका ती बगरहरू
भासिंदै गएका छन्।
उत्खनन् भएर पहाडमा
ढुङ्गाको रास काला सेता
देशको सम्पत्ती सस्तैमा
सबै विक्री भएका छन्
तर कस्को खातामा छ धन्
कसैलाई थाहा छैन
कसले दियो ठेक्का
को बनेको छ ठेकेदार
बिरोध गर्नेहरू गरेकै छन्
भ्रष्टाचार गर्नेहरू गरेकै छन्
दिनदिनै हुन्छ आन्दोलन
अनि मर्छन् होनहार युवा
भ्रष्टाचारको बिरोध गर्दागर्दै
स्वास रोकिन्छ नागरिकको
यस्तै यस्तै छ के भनौँ
मेरो देशको कथा र व्यथा
कसैले सम्विधान बनाउन
आफ्नो बलिदान दिएको हो
कसैले सम्विधान
च्यात्न अरूको बलि चढाए
कथा भित्रको कथा
प्रष्टै छ तर बुझ्न गारो छ
रहश्यमय देखिन्छ।
आन्दोलनको उठान
नियम मिचेको थियो उसले
कारावासमा थुनियो
कसलाई मुक्त गर्न
नियम मिचियो
यस्तै छ देशमा हुने
आन्दोलनको कहानी
बद्नाम हुन्छन् गर्छन्
अञ्जान बनेका उनै
अनुहार जानिजानी।

०००
दाङ घोराही १८
१३-०९-२०२५