नेपाली हास्यव्यङ्ग्य अनलाइन पत्रिका

खगेन्द्र नेउपाने :

त्याे धेरै सम्पन्न युराेपियन देशकाे मान्छे
तीनजुरेकाे गुराँसकाे बाेटमुनि
टाेलाएर बस्छ
कसैले साेधे ऊ भन्ने गर्छ
म यहाँ शान्ति खाेज्न आएकाे ।
त्याे नवयाैवना बर्मेली ठिटाे
लुम्बिनीको पिपलमुनि
पलेंटी मारेर बसिरहेछ
कसैले साेधे ऊ भन्ने गर्छ
म यहाँ शान्ति खाेज्न आएकाे ।
हामी चाहिँ अब शान्ति खाेज्न कहाँ जाने ?
हरेक बिहान पूर्वबाट
जण्डिस लागेकाे एउटा राेगी सूर्य उदाउँछ
र
हरेक पुस्ताका युवाहरुकाे मस्तिष्कमा
बीस भरेर जान्छ
नकारात्मक
नकारात्मक
र
नकारात्मकताकाे काेलाहलबाट भागेर
हामी चाहिँ शान्ति खाेज्न कहाँ जाने ?

०००
गाैरादह, झापा