नेपाली हास्यव्यङ्ग्य अनलाइन पत्रिका

गायत्री परिराेशनी

चिया, सिया अनि रिया पसलमा
मस्तले कुरा काट्ने
अमूल्य काम हरायो ।

महामहिमहरुलाई
चाकरी र चाप्लुसी गर्दै
सिद्धान्तको धारा खोलेर
मानसम्मानको पगरी थाप्ने
जे माग्यो त्यही पाइने
बलियो झोला थियो
त्यो समेत, गणितको २३ र २४
पछि मस्तले हरायो ॥

राम्रा काम जति सबै
मैले र मेरो दलले गरेको
नराम्रो जति सबै तैँले अनि
तेरो सरकारले गरेको ।
आजिवन पेन्सन पाइने
मालदार काम थियो
अँग्रेजी अल्फावेटको
डेन्जर जी आएपछि
जदूको छडी जस्तै हरायो ॥

परिश्रम गर्नेको खुट्टा तान्ने
इमान्दारहरुलाई लात्ताले हान्ने
बाहै्र मास केही नगर्ने ।
भाषणको डम्फु बजाउने
कसैले खोस्न नसक्ने काम
अनायासमा झ्याप्पै हरायो ॥

एक नम्बरी काम देख्नै नसक्ने
दुई नम्बरी काम गरेर
कहिल्यै नथाक्ने ।
गज्जबका हामीहरु
अब सबै हराइयो भन्ने
अनमोल चिन्ता थियो
अफसोच,
रात रहेपछि अग्राख मात्र होइन रहेछ
हराएका सबै जिनिस झ्याप्पै पलाए ॥
मात्र अब त केही होला कि भन्ने
हाम्रो साझा भ्रम हरायो ।

०००
स्याङ्जा