नेपाली हास्यव्यङ्ग्य अनलाइन पत्रिका

डा. छायादत्त न्याैपाने :

आहा कति सिपालु क्या मान्छे !
मान्नुपर्छ यसकाे वाक्चातुर्यलाई
हेरौं कति बाेल्छ बाेलिरहन्छ
भन्छ जीवनकाे अभीष्ट हाे खुसी
अझ बल गरेर भन्छ सामूहिक खुसी
हरेक मान्छेको प्रयत्न हाे खुसी
ऊ चिन्छ पनि खुसी फल्ने वृक्ष
परिवारसँगै वरिपरि बस्छ खुसी
सुुटुक्क पत्ता लाउँछ छिमेकी खुसी
सुमसुम्याई लिन्छ पशुपन्छीकाे खुसी
झाेलीतुम्बा थाप्छ रुखबिरुवासँग
बटुल्छ हावापानीसँग खुसी
खुसुक्क गाग्रीमा भर्छ झरनाबाट खुसी
साथी भाइ खेलाउँछ खुसी
खुसी, खुसी देख्छ सर्वत्र खुसी
तर बिडम्बना ! हड्पेर सबै खुसी
निजी खुसीका दाउपेची पर्दाभित्र
पस्छ स्वघाेषित विवेकी हुँ भन्दै
सुकिलाे अनुहारमाथि
मैलो शिरपेज भिरेकाे खुसी मान्छे !

०००
पर्वत, हाल : काठमाडाैं