नेपाली हास्यव्यङ्ग्य अनलाइन पत्रिका

रामप्रसाद पन्थी :

नेपालबाट लामाे नै सूची स्वर्गमा गएछ
शहीद सच्चा काे हाे त भनी विवाद भएछ ।

शहीद दुई कित्तामा भए सक्कली नक्कली
विवाद हुँदा दुवैमा भयाे धकेला धकेली ।

संयुक्त माेर्चा गठन गर्याे नक्कली टाेलीले
सक्कलीमाथि धाबा नै बाेल्याे नमिठाे बाेलीले ।

बहुधा शक्ति उतैकाे भयाे नक्कली दलमा
सक्कली सबै दबायाे कठै मुढे त्याे बलैमा ।

स्वर्गमा पनि शहीद सेवा सुविधा खाेजेर
इन्द्रको अघि बजायाे मुठी टेबुल ठाेकेर ।

रूपियाँ दस लाख त हामी नेपालै पाएकाे
त्याे भन्दा बढी सुविधा सेवा स्वर्गमा चाहेकाे ।

सूची नै हेर हे इन्द्र ! राजा शहीदहरूकाे
नेपाली भन्दा काे छ त अरू शहीद भएकाे ?

नेपाली हामी नेताका सच्चा सेवक हुनाले
शहीद पद पाएका हामी उनैका गुनले ।

देशका लागि काे मर्याे बाँच्याे माने त्याे राख्दैनाैं
पार्टीका लागि मरेका हामी अरू त जान्दैनाैं ।

पार्टीकै चिन्ता भएर अति जाँडले मरेका
शहीद हामी केही छाैं यहाँ काेटामा परेका ।

शासन सत्ता जाला है इन्द्र ! नादान नबन
जाकिनु पर्ला चतुरो बन्दा खाडल नखन ।

फालेर राजा आएका हामी शहीद नेपाली
बस्दैनाैं चुप यहाँ नि इन्द्र शासन नढाली ।

दिएछ धम्की स्वर्गमा पनि नक्कली टाेलीले
डरले इन्द्र फकाए भन्छन् मसिनाे बाेलीले ।

नक्कली टाेली स्वर्गमा पनि हाबी नै भएछ
सक्कली भन्छन् स्वर्गमा हाम्राे यत्तिकै रहेछ ।

विवेक कैले फर्केला कुन्नि शासकहरूकाे
मर्यादा कैले हुने हाे बरै ! शहीदहरूकाे ?

०००
२०८२ माघ १६