नेपाली हास्यव्यङ्ग्य अनलाइन पत्रिका

पुरषाेत्तम सिग्देल :

जिब्राे मनुष्यताकाे उत्कृष्टकाे निशानी
जिब्रो ध्वनि प्रवाही मस्तिष्ककाे कमानी

जिब्रो सुसभ्यताकाे आदर्श हाे चिनारी
जिब्रो असभ्यताकाे शब्दार्थ छुद्र भारी

जिब्रो रिझाउने भाे सन्तुष्टि बज्छ ताली
जिब्रो बिझाउने भाे बर्साइदिन्छ गाली

जिब्रो विकास गर्ने साैगन्ध शब्द-फूल
जिब्रो निकास गर्ने काँडा त्रिशूल शूल

जिब्रो मिठाे छ हाँसाे पीयूष बूँद छर्छ
जिब्रो तिताे बतासे विश्वास घात गर्छ

जिब्रो शिखा दियालाे ज्याेति प्रकाश खानी
जिब्रो अशिष्ट द्राेही विद्राेह भाे सुनामी

जिब्रो ऋचा सँगालाे षड्शास्त्र वेद सारा
जिब्रो पुराण गाथा विज्ञानकाे किनारा

जिब्रो कुरान बाइबल् ब्रह्माण्ड सृष्टिसम्म
जिब्रो अथाह माथ्लाे निर्माण याे अचम्म ?

जिब्रो सम्हाल राम्राे मिल्ला उचाे उपाधि
जिब्रो निकृष्ट थुर्छाै गिर्छाै अवश्य साथी !

०००
काठमाडाैं
२०८२/१०/२३।