नेपाली हास्यव्यङ्ग्य अनलाइन पत्रिका

कुन्नि केको उनी अचेल मान खोज्छन्
मान्छे भई मान्छेलाई खान खोज्छन् ।

जतातिर शिकारीको धराप छ
पाठाहरू उतैतिर जान खोज्छन् ।

आफ्नो खोटो सिक्कालाई भजाउँने
शहरभरि उनी त्यो दोकान खोज्छन् ।

जिउँदाको मासु खाई नपुगेर
राती राती मान्छेको चिहान खोज्छन् ।

हात पसार्ने बानी नै भो नेपालीको
जन्मदिन मनाउँन दान खोज्छन् ।

खुकुरी र सङ्गीनले लैस भई
जङ्गलमा मान्छेको कल्याण खोज्छन् ।

बेइमानीको धारलाई लुकाउँन्
बेइमान इमानको म्यान खोज्छन् ।

मान्छेदेखि डराएर ‘समर्थन’
सहाराको लागि भगवान खोज्छन् ।

मत्सरी, रौतहट