नेपाली हास्यव्यङ्ग्य अनलाइन पत्रिका

१.
किन पछाडि सर्छौ हानाहान गरे भो
बिच बाटो मै लुगा तानातान गरे भो
जाबो इज्जत जाला अरु के नै हुन्छ र
एक रातको मूल्य गर्न कानाकान गरे भो ।

२.
छोरो गयो बिदेश आउँदै आएन
न खबर न शेष आउँदै आएन…
पिँढी बसी रुन्छिन् ती बुढी आमा
भन्दै कान्छो रुपेश आउँदै आएन ।

३.
गोर्खे रगत गोर्खे छाती गोर्खाली हुँ म
जाइ लाग्छु शत्रु माथि गोर्खाली हुँ म
कहिल्यै पनि अरु सामु झुक्न जानिन
एक्लै चाहे होस् साथी गोर्खाली हुँ म ।

४.
संसदमा के भो सदनमा के भो ?
संविधान सभा भवनमा के भो ?
एक वर्षभित्र लेख्छौ भन्दै हिँड्ने
प्रचण्डमा के भो गगनमा के भो ?

५.
दिन्छु मैले भनेकै’थेँ तिमीले मुटु माग्दा खेरी
तड्पिएर बाँची रा’छु मुटु लिई भाग्दा खेरी
तिम्रो पीडा मैले बुझ्थेँ मेरो पीडा बुझिनौ है
उठाउने कोहि छैन मलाइ ठेस लाग्दा खेरी ।

जदाहा, नवलपरासी