चट्याङ मास्टरलेखेर के हुन्छ ?
हरेक चुरोटको बट्टामा सूचना लेखिएकै हुन्छ
“धुम्रपान स्वास्थको लागि हानिकारक” हुन्छ
तैपनि अम्मली ढुक्क चुरोट तानी रहेकै हुन्छ ।
“भ्रष्टाचारीलाइ प्रवेश निषेध” लेखिएकै छ ढोकामा
तैपनि भित्र हाकिम ढुक्क बसिरहेकै हुन्छ
थाहा छैन सूचना किन लेख्छन्, लेखेर के हुन्छ ?
“यहाँ फोहर नफाल्नु होला” जहाँ लेखिएको हुन्छ
तपाई ढुक्क हुनुहोस्, फोहर त्यहिँ फ्याँकिएको हुन्छ
सूचना नै त हुन् यी ऐन नियम र कानुन पनि
अब त झन् संविधान पो लेख्छन् अरे, लेखेर के हुन्छ ?
गर्नुहोस् न तपाइँलाई मन लाग्या गरे हुन्छ
थाहा छैन सूचना किन लेख्छन्, लेखेर के हुन्छ ?
लेख्नैलाई त वेद, धम्मपद, कुरान बाइबल सब लेखिसकियो
संसारमा ज्ञानको के कमि छ ?
जब मानिस भित्रभित्रै कुहिएको हुन्छ, तब कहाँ के लेखेर के हुन्छ ?
गर्नुहोस् न तपाईंलाई जे मन लाग्या गरे हुन्छ
थाहा छैन यहाँ को के किन लेख्छन, लेखेर के हुन्छ ?
बत्तिसपुतली, काठमाडौँ
