निमेश निखिलसुन्नेलाई जोक भयो
सानालाई खाँचो ठुलालाई सबै थोक भयो
अपराधी जन्माउने आमा आज भोक भयो
कागजको डुङ्गाभित्र सपनाका बुट्टा थिए
आँधी आई उडाई लग्यो मुटु छेड्ने शोक भयो
भावनाको चिता मैले जलाएथेँ जुन ठाउँमा
त्यही ठाउँ आज उसले डिस्को नाच्ने चोक भयो
आँखाभरि आँसु बोकी जब मैले पीडा गाएँ
‘निखिल’को साँचो कथा सुन्नेलाई जोक भयो ।
२०५७ साउन ७
हेटौडा
Subscribe
Login
0 Comments
Oldest
