मलाई त यस्तो पो लाग्यो
माघ आठ बित्यो, ऐले केही बोलुँ जस्तो लाग्यो
जन–जनमा मनका कुरा केही घोलुँ जस्तो लाग्यो ।
संविधान नबनाई लुट्नु लुटे देशका पैसा,
तिनै भ्रष्टहरूका कुरा केही खोलुँ जस्तो लाग्यो ।
आर्यघाट, मशानघाट, डाँडा–पाखा खोला, दोभान,
सुशील, ओली, प्रचण्डलाई त्यहिँ पोलुँ जस्तो लाग्यो ।
देशमा व्याप्त अत्याचार देख्दा क्रोधी बन्छ आत्मा,
देशको लागि आफ्नो रगत यहिँ ढोलुँ जस्तो लाग्छ ।
कंस रुपी कथित् नेता कृष्ण बनी ध्वस्त पार्न,
हतियार किन्न आफ्नै झिटीमिटी मोलुँ जस्तो लाग्छ ।
दहिच्युरे स्वार्थी लोभी पापीलाई साथ दिँदा,
जनता नै हुन्, तिन्का कुरा चाहिँ टोलुँ जस्तो लाग्छ ।
नलाङ, धादिङ
हाल अमेरिका