साधुराम खड्काबज्रस्वाँठहरूलाई
हातमा मुटु लिएर
नाङ्लोमा पसल थाप्नेहरूलाई
दोबाटोमा कुराएर
सुटुक्कै एक्लै भाग्नेहरूलाई
आँखामा सद्भाव लिएर
मनमा कलुषित भावना लिनेहरूलाई
मुखमा रामराम जपी
बगलीमा छूरा बोक्नेहरूलाई
हरियो घाँस देखाएर
हातमा तरवार लिएर बस्नेहरूलाई
धेरै धेरै शुभकामना छ
ती बज्रस्वाँठहरूलाई
आजको नेपाल नै यस्तै छ
उपहार भो चोर, डाँका र फटाहाहरूलाई !
काठमाडौं
Subscribe
Login
0 Comments
Oldest
