नेपाली हास्यव्यङ्ग्य अनलाइन पत्रिका

औंठाछापे साथी, राजनीतिमा पसी पुग्यो माथि
भन्छन् बूढा बाजे, तँ मात्र किन यसरी पढ्छस् नाति ।।

बोले बोल्न त बोले, अलि पछि आफै बिर्से के बोले
अन्त त उल्टै बोले, आफै आफ्नै धोती नै खोले ।।

भाग बसेकै छैनन्, झट्टै मलाई पस्किदे भन्छन्
मुखमा गाँस नहाल्दै, अमिलो पिरो बढी भएछ भन्छन् ।।

पहिले नासो बेचे, त्यसपछि चासो लगी कतै बेचे
अहिले हाँसो बेच्ने, भनीकन थाप्न थाल्दैछन् खोते ।।

पाचनशक्ति छ बलियो, त्रिपाल डण्डी डलर सब पचाए
अहिले लाज पचाए, तर भन्दैनन् कहिल्यै म अघाएँ ।।

काठमाडौं