गोविन्दराज विनोदीकिन बन्नु दास ?
अभाव जाओस् पर तर्किएर
समृद्धि आओस् घर फर्किएर
अशान्तिका द्वार भएर बन्द
सुशान्तिको शीघ्र चलोस् सुगन्ध ।
च्यातेर सारा अनमेललाई
एकत्वका दीपहरू जलाई
होओस् उजेलो घर राष्ट्र हाम्रो
हटोस् तमिस्रा मनको नराम्रो ।
हामी कसैको सुरमा ननाचौँ
हामी कसैको भरमा नबाँचौँ
आफ्नै बनाई सुर ताल गीत
आफै चलाऔँ अब नव्य रीत ।
सिद्धान्त आफ्नै व्यवहार आफ्नै
छन् रोग आफ्नै उपचार आफ्नै
छ भित्र आफ्नै जब सत्प्रकाश
हामी कसैको किन बन्नु दास ?
हामी सबैको मन सङ्लिएर
बन्धुत्वको चिन्तन अग्लिएर
स्वराष्ट्रको बोध हुँदै प्रगाढ
आऊन् सबैका घर चाडबाड !
नवलपरासी
Subscribe
Login
0 Comments
Oldest
