मरुभूमि नारायणजिताऔं चुनावमा
जालीलाई भोट दिउँ जिताऔं चुनावमा
कान तासेकै जोगी हो रमाऔं तनावमा ।
स्याल ब्वाँसो वा मान्छे नै किन नहोस्
लम्पसार परी तिनकै बसौं प्रभावमा ।
लोडसेडिङ महङ्गी हाम्रै साथमा हुँदा
बाँडौँ खुशीयाली सर्वत्र रमाऔं अभावमा ।
देखाउने र लुकाउने दाह्रा भिन्दा–भिन्दै
आउन सक्दैनन् आफन्त राति नकावमा ।
हाँसी–हाँसी बाच्नु पर्ने परजीवी भएर
घाइते मुटु चलाउनु छ अर्काकै दवावमा ।
खा भन्दा खानु पर्ने जा भन्दा जानु पर्ने
नाचिन्छ आँखा चिम्ली अरूकै सुझावमा ।
तनहुँ
Subscribe
Login
0 Comments
Oldest
