रविन शर्मा चापागाइँसबै मिली त्यो चिहान खोज्नुपर्छ
कुनै दिन भारतमा संविधान खोज्नुपर्छ
अनि उतैतिर आफ्नो पहिचान खोज्नुपर्छ ।
यसै गरी धर्म बिक्दै गयो भने हेर्नु होला
मन्दिरमा भागवत र पुराण खोज्नुपर्छ ।
मन्दिरका देवी देउता ‘शौचालय’ सम्म पुगे
उस्तै परे अब ढलमा भगवान खोज्नुपर्छ ।
लाखौं युवा विदेशिने क्रम अझै जारी नै छ
हेर्नुहोला जनता पाल्ने ती किसान खोज्नुपर्छ ।
युद्धकालमा कति मरे अझै एकिन भाको छैन
अब हामी सबै मिली त्यो चिहान खोज्नुपर्छ ।
जहदा, नवलपरासी
Subscribe
Login
0 Comments
Oldest
