नेपाली हास्यव्यङ्ग्य अनलाइन पत्रिका

ओलिको व्यन्जना बोली, राम बाण समान छ ।
टुक्का–उखान गर्जेको, गहनाको मुहान छ ।।
यी हुन् वाचालका ढाल, बेग आबेग मेघ हुन् ।
सभा रिघाउँदै हिंड्ने, नशाका ‘हिट– पेग’ हुन् ।। १ ।।

औपचारिक डिग्रीका सिक्री छैनन् यिनीसित ।
थचक्कै हुन्छ पी.एच.डी., बोलिदिन्छन मजैसित ।।
सोर वर्ष सडे जेल, गले शाह र पञ्च नै ।
डनपन्थी बने ओली, चर्चा चल्दछ आज चैं ।। २ ।।

वाक्घरी ओलीको झोली, भोली पुस्ट हुँदैछ रे ।
लगाम बोलिमा लाउ, सत्ताले छुन सक्छ रे ।।
सुशिल शीलमा खील, नरोप चीलको टुँडा ।
दाँया दक्षिण छन् भन्दा, होला कर्कट वा कुँडा ।। ३ ।।

धादिङ