नेपाली हास्यव्यङ्ग्य अनलाइन पत्रिका

चाहियो चाहियो दे मलाई पनि
मात्र तैं लुट्न बस्ने र बन्ने धनी
हैन ता ढालुँला वास तेरो खनी
जोड्न दे है मलाई सयौं रोपनी ।।

भागबण्डा गरिस् त्यो त ठीकै थियो
हो चलेकै कुरो आज उस्तै भयो
के गरी भाग मेरो उतै पोखियो
लौ बता नत्र ता वीर यो जोसियो ।।

झट्ट ले है लगा भाग मेरो बिलो
नत्र पार्नेछु गोदी यहीं थिल्थिलो
छैन हड्डी यहाँ तान्दछस् तैं फिलो
टन्कियो है यहाँ फुट्न आँट्यो पिलो ।।

स्याल भै बाघको ठाउँ ढाकी बसिस्
के भनी यो सिनो लोभ यस्तो गरिस्
छोडिदे जा उता भन्छु खै के बुझिस्
जान्न भन्छस् भने खस्नुसम्मै खसिस् ।।

काठमाडौं