वासुदेव पाण्डेयतर ताक्छ भाला
गिर्दो रहेछ मनुवा तल झारभन्दा
कालो रहेछ मन चित्त अँगारभन्दा
‘श्रीराम’ भन्छ मुखले तर ताक्छ भाला
भिन्नै छ व्यक्ति उसको व्यवहारभन्दा
सेतो छ वस्त्र तनमा अझ रामनामी
गर्दैन कर्म उसले व्यभिचारभन्दा
पैसा, स्वनाम, पद, इज्जतको पुजारी
मान्छे छ घातक यहाँ तरबारभन्दा
गोली समान हुन सक्छ मनुष्य बोली
’जिब्रो’ छ कोमल कडा हतियारभन्दा ।
सुर्खेत
Subscribe
Login
0 Comments
Oldest
