शेषराज भट्टराईके मिल्दैन के
मुटुभित्र राखौँ भन्छु के मिल्दैन के
उनको अधर चाखौँ भन्छु के मिल्दैन के । {{read_more}}
दोबाटो चौबाटो कति ढुकीबस्नु
काखैमा राखौँ भन्छु के मिल्दैन के ।
देख्दैखेरि खुसी लाग्छ मिलन भए हुने
देवीदेउता भाकौँ भन्छु के मिल्दैन के ।
बेदनाको बिस्कुन सुकाई हासौँ कसरी
दौलत दिउँ लाखौँ भन्छु के मिल्दैन के ।
उद्धेश्य एउटै भयो आफ्नो तुल्याउने
दिलमा दिल टासौँ भन्छु के मिल्दैन के ।
चाहानामा भिज्नथाले सिराने र तन्ना
मिलीसँगै नाचौँ भन्छु के मिल्दैन के ।
फूलबारी– ११ पोखरा
फोन ः ९८०६६७७५९४
Subscribe
Login
0 Comments
Oldest
