नेपाली हास्यव्यङ्ग्य अनलाइन पत्रिका

१.
जनताको सुख–शान्ति वर्वाद गरिरहेछन्
आफ्नो मात्र घर–परिवार आवाद गरिरहेछन्
स्वार्थमा डुबेर राजनीतिको खेल खेल्नेहरू
राष्ट्रलाई टुक्रा–टुक्रा पर्न विवाद गरिरहेछन् ।

२.
हिजो चप्पल लगाउनेको आज रवाफ हेर
ढिँडो नपाउनेको थालमा आज कवाफ हेर
पानीको सट्टा रक्सी र वियर पिईरहेछन्
उसको मुखबाट निस्केको गन्हाउने वाफ हेर ।

३.
देशको रक्षा कसले गर्छु उसले सिपाही देखायो
देशमा शासन कसले गर्छु उसले आफैंलाई देखायो
उसको कुरा सुनेर म रातभर ढुक्कसँग निदाएँ
जब ब्यूँझिएँ उसले देश बेचेको भर्पाई देखायो ।

ललितपुर