नेपाली हास्यव्यङ्ग्य अनलाइन पत्रिका

घुस्सा– एक

पढ्न भनी कलेजतिर लागेँ
कलेज त रत्नपार्क झै भएछ
किताबको झोला बोकी गईयो
कलेजमा त नेतागिरी चलेछ
क्लास छ पूरै खाली
चौर पो टन्न भरेछ
मास्टरको त कुरै छाडौँ
विध्यार्थीलाई भ्यालनटाईन लागेछ
यदि विश्वास हजुरलाई छैन भने
मेडिकलमा हेर्नुस् टोपीको
कति लामो लाईन भएछ ।

घुस्सा– दुई

जमाना नै यस्तो छ
घर त ओडार हो
कमाउन त घर बाहिरै जानुपर्छ
जीउ त हेर्नलाई मात्रै हो
मन पनि पवित्र हुनैपर्छ भन्ने छैन
अनुहार मात्र राम्रो भएर के गर्नु
व्यवहार नै अगतिलो हुनु पर्छ
मानवताको आँखा नछली
कहाँ पैसो कमाइन्छ र ?
उपकारी र गुणी देखिन पनि
पैसाकै धोक्रो नभई कहाँ पाइन्छ र !!

काठमाडौं