नेपाली हास्यव्यङ्ग्य अनलाइन पत्रिका

कस्तो आफूले आफैलाई नचिने जस्तो, 
यो प्रतिबिम्ब ! {{read_more}}
आफैले आफैलाई खोज्दै हेर्ने साहस, 
हेर्ने त्यो आफ्नो  अनुहार
कहीं त्यो दुस्साहस पो भयो कि 
ऐना अघि आफ्नो प्रतिबिम्ब 
कस्तो आफूले आफैलाई झट्का दिनेगरि 
त्यो कसको अनुहार देखियो 
कस्तो मसंगै अति अप्रत्याशित, 
मेरो अनुहार 
मलाई नै अर्धविराम राखेर 
मैले आफैले नचिनेको मेरो आफ्नो अनुहार 
यो ऐनामा, यो ऐनाले 
मैले आफुलाई हेर्ने र खोज्ने गर्ने रहरमा 
एउटा अपरिचित अनि संयोग भरिको 
अनौठो प्रतिबिम्ब 
मलाई, म भनेर देखायो ! 

बर्गेन, नर्वे
११ जनवरी २०१९