नेपाली हास्यव्यङ्ग्य अनलाइन पत्रिका

१.
अरूलाई सराप्ने मान्छे यहाँ पार्टीको लागि राम्रो हुन्छ
जे पनि हसुर्ने मान्छे यहाँ पार्टीको लागि राम्रो हुन्छ
आफू त एउटैमा बसियो, सिद्धान्त पढियो र त्यस्तै व्यवहार गरियो
दशतिर चाहार्ने मान्छे यहाँ पार्टीको लागि राम्रो हुन्छ ।

२.
उनलाई मेरो नाम मन पर्दैन रे, म नाम फेर्ने तरखरमा छु अचेल
उनलाई मेरो थर मन पर्दैन रे, म थर फेर्ने सुरसारमा छु अचेल
किनकि उनी विकसित देशकी एउटी होनहार र शिक्षित नारी हुन्
उनलाई मेरो देश मन पर्दैन रे म देश फेर्ने हतारमा छु अचेल ।

हेटौडा, मकवानपुर