नेपाली हास्यव्यङ्ग्य अनलाइन पत्रिका

कामकुरो भन्दा बोली र स्वाङ,
जता पो हेर्छु उतै छ भ्वाङ ! लौजा !

पानी संस्थान तिर्खा बाँड्छ सञ्चार संस्थान सिमकार्ड
छायाँ बाँड्छ विद्युत संस्थान, बाचा बाँड्छ सरकार
जति बढाऊ तेलको मूल्य तेलै संस्थान हक्दार !
वाक्क म चै आफ्नो मुटु घोच्दा घोच्दा दिक्दार ।

भवन विभाग टल्काउँछ घर आफ्नै वरिपरि
हावाई विभाग मैदान टाल्छ सधै मरी मरी
रोजगार विभाग युवा लस्कर हेर्छ मख्ख परी
गति हेर्छु आफ्नो घरको त्यसै छक्क परी ।

उद्योग विभाग उद्योग गर्छ लाईसेन्स बाँड्ने कामको
वाणिज्य चैं बिजनेस गर्छ ‘व्यापार घाटा’ नामको
आपूर्तिको व्यवस्था छ सधै छालछामको
शिक्षा विभाग खोज्दै व्यस्त झोले स्कुल गामको ।

पार्र्टी हैन पाटी भए गुण्डाहरू लुक्ने
एनजीओ चाहिँ पम्प भए हावा धेरै फुक्ने
वादीहरू अधिकारका आफ्नै स्वार्थ भुक्ने
लौ न ईश्वर ठाउँ देखाइदेऊ कहीं छ कि लुक्ने ?
कामकुरो भन्दा…. लौजा !

हाल : काठमाडौं