नेपाली हास्यव्यङ्ग्य अनलाइन पत्रिका

अमर अधिकारी :

छिमेकीः कतातिर हो सदस्यज्यू हतारिँदै ?
वडा सदस्यः वडा कार्यालयमा बैठक बस्दैछ रे, त्यतै जाँदैछु।
छिमेकीः ए ! भनेपछि बैठक अहिलेसम्म उठिराख्यारहेछ !
०००
चेलाः प्लास्टिक झोलामा के ल्याउनुभो गुरु ?
गुरुः डेरीरस !
चेलाः के हो गुरु डेरीरस भनेको ?
गुरुः गोठबाट ल्याएको भए पो गोरस भन्नु, डेरीबाट ल्याएपछि डेरीरस नै भन्नुपरेन र पृय शिष्य ?
०००
नन्द-भाउजू मिलेर रोटी बनाउँदै
भाउजूः यति थोरै पीठोले त आठओटा रोटी मात्र बन्छ, पुग्ला र ?
नन्दः अलि सानासाना बनाम्, बाह्रओटा बन्छ, पुगिहाल्छ नि !
०००
बाउः दुईचार दिन पोखरा घुम्ने भनेर गएको मान्छे कहाँ हराइस् त छोरा यत्रो दिनसम्म ?
छोरोः पोखरामा साथीहरू फालाफाल छन्, सबैलाई समय दिनुपर्‍यो नि बुवा !
बाउः ए त्यसो भए साथीहरू त टुक्रेढुंगा जस्ता पो रहेछन्, फाल्न मिल्ने ?
०००
अमेरिकामा रहेकी दिदीसँग सम्वाद भैरहँदा-
दिदीः म तिम्लाई आइफोन पठाइदिन्छु है बहिनी !
बहिनीः एअरफोनले काम चलाइरहेको छु। आइफोनले त आँखा घोँच्छ कि? भो पर्दैन दिदी।

०००
बुढानीलकण्ठ, काठमाडाैं