वासुदेव पाण्डेयकहाँ सुन्थ्यो र सत्ताले
कुनै काखा कुनै पाखा गरेको भेदको खेती सिधासाधा उठाएको कहाँ हुन्थ्यो र सत्ताले ।
सियोझैँ देशको भोटो कहाँ तुन्थ्यो र सत्ताले
कराए बाजुरा, डोटी कहाँ सुन्थ्यो र सत्ताले
लुगामा देहका जो छन् अनेकौँ पापका धब्बा
थुनी ल्याएर मेलाम्ची कहाँ धुन्थ्यो र सत्ताले
अनेकौँ धर्म,भाषाका कलाका जातका मान्छे
बनाई एकता माला कहाँ उन्थ्यो र सत्ताले
कुनै काखा कुनै पाखा गरेको भेदको खेती
सिधासाधा उठाएको कहाँ हुन्थ्यो र सत्ताले
सधैँ उफ्रेर थच्चिन्छन् कुवाका भ्यागुताजस्तै
नदौडी लक्ष्य सित्तैमा कहाँ छुन्थ्यो र सत्ताले ।
०००
सुर्खेत
Subscribe
Login
0 Comments
Oldest
