नेपाली हास्यव्यङ्ग्य अनलाइन पत्रिका

निलहरि काफ्ले :

ठोक आज भाटो भनिस्, कस्ले उर्दी लायो ?
जनतालाइ लाटो भनिस्, कस्ले उर्दी लायो ?

बोली दबाउभित्रै बस, देखे गोली खान्छौ
हाम्रो हो यो बाटो भनिस्, कस्ले उर्दी लायो ?

खोल दौरा टोपी भोटो, सिल्ली आदेश दिई
टेक्नै हुन्न माटो भनिस्, कस्ले उर्दी लायो ?

बेथितिको चाङ्गमाथि, गर्दै ढली मली
यै हो भोटको साटो भनिस्, कस्ले उर्दी लायो ?

दबाउने आँट बोकी, जन जनको क्रन्दन्
म छु मात्र बाठो भनिस्, कस्ले उर्दी लायो ?

०००
सिन्धुली