काशीनाथ मिश्रितअरे चौरासीमा !
तिम्रो पाइन देखिसक्यौँ ए मान्छे हो ! भन्दै- बाँदर पनि भोट माग्न हिन्छ अरे चौरासीमा !!
काशीनाथ मिश्रित :
सिङ्गापुरलाई नेपालले किन्छ अरे चौरासीमा !
अम्रिकालाई डिभि भिसा दिन्छ अरे चौरासीमा !!
गरीबीको रेखाबाट ह्वात्तै माथि उठेपछि
संसारले धनी भनी चिन्छ अरे चौरासीमा !
मान्छे बेच्ने, सुन किन्ने ब्यापार देशमा खुल्दै जाँदा …
विश्वले नै विकसितमा गिन्छ अरे चौरासिमा !
जन्मिदा नै असी हजार रिन बोक्ने नेपालीको
बाइस खरब जम्मै रिन छिन्छ अरे चौरासीमा !
एसियाली-विश्वबैङ्क क-कसले हो ऋण दिने ?
उल्टै हामीसित ऋण लिन्छ अरे चौरासीमा !
हामी सबै मुर्गा बनी भुङ्ग्रो खोस्री ताप्दै गरौँ
भुँडी फुट्ने गरी खान पाइन्छ अरे चौरासीमा !
बाइनाकुलर लगाएर भोट कसले दिन्छ-दिन्न
चौँसठ्ठीमा जस्तै गरी बिन्छ अरे चौरासीमा !
तिम्रो पाइन देखिसक्यौँ ए मान्छे हो ! भन्दै-
बाँदर पनि भोट माग्न हिन्छ अरे चौरासीमा !!
०००
२०८० मङ्सिर २५
फोक्सिङ, गुल्मी ।
Subscribe
Login
0 Comments
Oldest
