के भाे साेध्छ, फित्कौलीले
लेख्या अर्थ बटारिन्छ, भाव निराश हुन्छ के भो सोध्छ फित्कौलीले, खोजी लेखौँ भन्छ ॥
नीलहरि काफ्ले :
साधक ढोक्छ फित्कौलीले, खोजी लेखौँ भन्छ ।
शब्द जोख्छ फित्कौलीले, खोजी लेखौँ भन्छ ॥
देशको हालत खराब कठै, आसुँ खस्छ हेर्दा
हाँसो खोज्छ फित्कौलीले, खोजी लेखौँ भन्छ ॥
काण्ड सुन्दा आगो बल्छ, मुर्मुरिन्छ मन
व्यङ्ग्य रोज्छ फित्कौलीले, खोजी लेखौँ भन्छ ॥
लेख्या अर्थ बटारिन्छ, भाव निराश हुन्छ
के भो सोध्छ फित्कौलीले, खोजी लेखौँ भन्छ ॥
जस्लाइ भेट हास्य रोज, मुस्कान छर्ने गर
बह बोक्छ फित्कौलीले, खोजी लेखौँ भन्छ ॥
ठट्टा मज्जा रस्साकस्सी, साहित्यका कुरा
सबै पोख्छ फित्कौलीले, खोजी लेखौँ भन्छ ॥
०००
सिन्धुली