नेपाली हास्यव्यङ्ग्य अनलाइन पत्रिका

प्रमोद भट्टराई ‘प्रतीक’ :

हेर्दा असल भित्र कपटी त्यस्तो मान्छे पनि भेटिन्छन् ।
नैतिकताको पर्वाह नगर्ने सस्तो मान्छे पनि भेटिन्छन् ॥

अरुलाई होच्याउने र कुरा काट्ने हरूको चर्चा नगरौँ
सबैको नजरबाट तलतिर खस्तो मान्छे पनि भेटिन्छन् ॥

कृत्रिम पखेटा लगाएर आकाश नै छुँला जस्तो गरेपनि
आफैँ उभिएको धरातलमा धस्तो मान्छे पनि भेटिन्छन् ॥

कारखानामा निर्मित एउटै फर्मामा बनाए जस्तो हुँदैन
त्यसैले त संसारमा कस्तो कस्तो मान्छे पनि भेटिन्छन् ॥

शरिर कुरुपनै देखिए पनि भावना अति सुन्दर भएको
अरबौँको भिड़ भित्र, भने जस्तो मान्छे पनि भेटिन्छन् ॥

०००
विराटनगर