भोजराज रेग्मी ‘मुखाले’लगाएको देखियो
ईर्ष्याको गुराँस फुल्छ, कुण्ठाको मरिच फल्छ अहङ्कारको फसल पनि लगाएको देखियो ।
भोजराज रेग्मी ‘मुखाले’ :
नपत्याउने खोलाले बगाएको देखियो ।
डरछेरुवाले कालो मशान जगाएको देखियो ।
पालोको पैँचो तिरेको होकि !
रामचन्द्रले मन्दोदरी भगाएको देखियो ।
बेकारको चाकरीले बोर भएरै होला
हनुमानले रावणलाई सघाएको देखियो ।
ईर्ष्याको गुराँस फुल्छ, कुण्ठाको मरिच फल्छ
अहङ्कारको फसल पनि लगाएको देखियो ।
बतुरे महाब्याधिले धामीझाँक्री थला परे
बाहिरबाटै लाग्ने बोक्सी मगाएको देखियो ।
०००
पेप्सीकोला, काठमाडौं
Subscribe
Login
0 Comments
Oldest
