नेपाली हास्यव्यङ्ग्य अनलाइन पत्रिका

टिकटको भर्ती खुल्यो सुन्नमा आछ
लाहुरेको योग्यता पैसामा भाछ
पार्टी सँग-सँगै नाम दर्ता गराउनुस्
अन्तमा सिफारिस चाकरीमा गाछ ।
१)

हिजोआज बालेन बलेको बत्ती भन्छन्
पार्टीका नेतालाई फालेको टट्टी भन्छन्
जनता साच्चै जनार्दन भए कि कसो ?
टुकुचा त हामी सबैको लठ्ठी भन्छन् ।
२)

पातमाथि फूल्ने फूलको, जात धेरै हुँदा रैछन्
आज एउटा भोलि अर्को, बात धेरै हुँदा रैछन्
सर्वहारा भन्दा पनि सरमहारा बढ्दै गएसी
देखाउने भन्दा यहाँ लुकाउने हात धेरै हुँदा रैछन् ।
३)

बुढ्यौलीले छोए पनि, बोतल छोड्या छैन
कार्यकर्ता छेउमा देखे, डाँट्न छोड्या छैन
लुकिछिपी भन्दा रैछन, पातिएको बूढो
जे भने नि साँझपख, मात्न छोड्या छैन ।

४)
मेलम्ची पो आएछ, बगाउला है सानू
रेल चढ्दा होसगरे, लडाउला है सानू
म त युवा देशको पसिना छ खाडीको
बाकसभित्र आइन भने रमाउला है सानू ।
५)

मेचीदेखि महाकाली टुक्रा-टुक्रा पार्दा
सिंहदरबार खित्काउछ उखानटुक्रा सुन्दा
देश विकास होला के त युवा पलायन हुँदा ?
रक्षकको नाममा आफै देश टुक्रा पार्दा ।
६)

०००
रातोपुल, काठमाडाैं