नेपाली हास्यव्यङ्ग्य अनलाइन पत्रिका

लक्ष्मण नेवटिया :

(सन्दर्भ- नारामा नारी सशक्तीकरण)

फिटफाट फटाफट- १

गर्न उद्घोषण
रोजेर ल्याइन्छिन्
सुन्दरी फिटफाट-फटाफट,
तर मञ्चमा बोलाइन्छन्
पुरुष मात्र भटाभट ।
भन्ने कसलाई ??

लोग्नेको नामपट्ट- २

बिहे हुँदै नारीको
फेरिन्छ गोत्र झट्ट ।
भन्नलाई घर उसको
तर बाहिर झुण्डिएको
लोग्नेको मात्र नामपट्ट ।
भन्ने कसलाई ??

धारामा सुरक्षित सारा- ३

संविधानमा
नारी अधिकारका धारा छ
धारामा अधिकार सुरक्षित सारा छ ।
उचाल्न नारी सशक्तीकरणको
जोशिलो नारा छ ।
तैपनि जोगिएको
निर्मलाको हत्यारा छ ।
भन्ने कसलाई ??

०००
विराटनगर