नेपाली हास्यव्यङ्ग्य अनलाइन पत्रिका

सुरेशकुमार पाण्डे :

देशले नेता छान्यो विदेशको गोठालो बन्यो,
चिल्ला कुरा गर्थ्याे, त्यही मनको कालो बन्यो ।

हामीले त शिखरमा पुरायौँ देशभक्त सम्झेर,
हेर्दाहेर्दै ऊ त्यो पनि विदेशीको सालो बन्यो ।

युवाहरूलाई कत्ति नसोध, उनको देश कुन हो,
जीवनमा पसिना पुच्छ्ने बिदेशी टालो बन्यो ।

किसानका छोरा भन्छन् कृषिप्रधान देशका,
बाँझो बारी र सम्झनामा हलो कोदालो बन्यो ।

पढ्नलाई त पढेकै हुन् के पढे बुझ्न सकिएन,
किसानका छोराको डिग्री मुटुमा फालो बन्यो ।

नारा त खुब लगायो यो सेतेले पनि देशभक्तिकाे,
आज उल्टै देशमा नवलेन्डुपको जालो बन्यो ।

०००
१८/ १२-०७-२०२३
घोराही, दाङ