नेपाली हास्यव्यङ्ग्य अनलाइन पत्रिका

बाबुराम पोखरेल :

१.
निकै जान्ने र विद्वानमा नाम गणना हुँदा गमक्क भयो
सुनामको विरुवा रातारात हलक्क बढ्दा छक्क भयो
अन्तरवार्तामा आफैले पढेका पुस्तकको नाम सोध्दा
के भनुँ भनुँ, सुँगा हो कि मैना, अक्क न बक्क भयो ।

२.
मुखले ठिक्क पार्नेको मनको तारोमा परेँ
बोली र बानीको म त सधैँ चेपारोमा परेँ
छेउमै आएर ‘मलाई चिन्नुहुन्छ’ भन्ने गर्छन्
मान्छे चिन्नै नसकेर म त अप्ठ्यारोमा परेँ ।

३.
ऊ निकै रोगी भएर पनि बाँच्छु भन्दै थियो
खुट्टै नटेकीकन नाङ्गो नाच नाच्छु भन्दै थियो
मति विना, बैठकमा राखिएको कुर्सी उचालेर
आफ्नै बाउको सम्पत्ति हो भाँच्छु भन्दै थियो ।

०००
विराटनगर