नेपाली हास्यव्यङ्ग्य अनलाइन पत्रिका

कृष्णप्रसाद गौतम :

१.

बेरोजगारी र महंगी जजतालाई अहिलेका उपहार रहेछन्
सिन्को नभाँचे पनि मुखमा तेल बोक्नेहरू दिलदार रहेछन्
रोजै काण्डको शृङ्खला देख्दा म दिक्क हुन्थेँ, पहिले
तर बुझेँ हजुर ! यो त महाभोजनपछिको डकार रहेछ !

२.

कोही फलफूल त कोही मासु चुम्दारहेछन् चमेराहरू
रातभर कुद्छन् तर दिनभर झुम्दारहेछन् चमेराहरू
ओढार र रुखमा रमाउनु त विशेषता नै हो यिनको
कुर्सी हल्लिएपछि त दरबारमै घुम्दारहेछ्न् चमेराहरू !

३.

घरको सुन देख्दैनौँ अनि लङ्का जप्छौँ हामी
आफू सबै ठिक तर अरूमा शङ्का जप्छौँ हामी
बिर्सिन्छौँ जहिल्यै कौशिकी र गण्डकीको महत्त्व
हरबिहान हरहर यमुना र हरहर गङ्गा जप्छौँ हामी !

०००
इटहरी, सुनसरी