नेपाली हास्यव्यङ्ग्य अनलाइन पत्रिका

भोजराज रेग्मी मुखाले :

नेपालीको चरित्र

विजुलीले देश उँभो लाग्छ रे
पानीले राजधानीको सि–पुच्छर आउँछ रे
अनुशासन र आचरण धमिराले खायो त के भयो ?
बिजुली–पानीमा नेपालीको चरित्र झल्किन्छ रे !

खस्रा कुरा

चारो खाने चरो आश्वासनले बाँच्न सक्दैन
पीरले पोलेको मुहार काउकुतीले हाँस्न सक्दैन
बाह्र वर्ष ढुङ्ग्रामा राख्दा पनि
कुकुरको पुच्छर बाङ्गै भएपछि
चितुवाले जत्रै कसम खाए पनि
मृगले मायापृति गाँस्न सक्दैन ।

मर्न मिल्दैन

“हेर्नैपर्ने“ कुरा हेर्न मिल्दैन
गर्नैपर्ने कुरा गर्न मिल्दैन
तड्पी तड्पी बाँच– निर्धानिमुखा हो !
मानहानी हुनसक्छ, मर्न मिल्दैन ।

०००
काठमाडौं