ईश्वर पाेखरेलचार ठोक्तक
लगालग जन्ती जाँदैछु : हिजो स्वयम्बरमा खुब ताली बजाइयो आज कविगोष्ठीमा आसनग्रहणमा ताली ठोक्न जाँदैछु ।
ईश्वर पोखरेल :
१.. पर्फ्युम
चित्तमा मनु छ, लिङ्कन, मार्क्स र मन्डेला
उसका लागि पर्फ्युमका ब्रान्डनाम मात्र हुन्
वस्त्रमा तिनै पर्फ्युम छर्केर ऊ तयार देखियो
उसलाई छुवाछुतका विरुद्ध बोल्न जानु छ ।
२. कम्युनिस्टको नेपाली ब्रान्ड
मुठ्ठी कस्न आउँछ ?
मुठ्ठी उठाउन आउँछ ?
आउँछ भने केही वर्ष पर्ख
मदन भण्डारीपछि इतिहासमा तिम्रै नाम आउँछ ।
३. लामखुट्टेको राष्ट्रिय गीत
आमसभामा एकपछि अर्को
यस देशका कहलिएका भ्रष्टहरूको
सुशासनको भाषण सुनेर फर्किएको दिन
काननजिकै आएको लामखुट्टेको टीँ टीँ पनि
राष्ट्रिय गीत जस्तो सुनिदों रहेछ ।
४. जन्ती
लगालग जन्ती जाँदैछु :
हिजो स्वयम्बरमा खुब ताली बजाइयो
आज कविगोष्ठीमा
आसनग्रहणमा ताली ठोक्न जाँदैछु ।
०००
बेजोड व्यङ्ग्य, बधाई छ ।