नेपाली हास्यव्यङ्ग्य अनलाइन पत्रिका

भाेजराज रेग्मी मुखाले :

१.
प्रकृतिको लक्ष्मणरेखा नाघेर नाच्दैछ मनसुन
न लाग्छ निषेधाज्ञा, न टेर्छ कसैको भनसुन
चट्याङ्ले कर्नाल फुक्दा भ्यागुताको ट्याम्को बज्छ
अचेल गौँथली गनगन हैन, पोइसँग गर्छे मयालु गुनगुन ।

२.
तिमीले चुकुल लगाउँदा सत्कार ठहरिन्छ
मैले चुकुल लगाउँदा व्यभिचार ठहरिन्छ
यस्तो बगम्फुसे विधान कसले बनायो हँ ?
पिस्ने लोहोरो स्याब्बास् ! पिसिने अचार ठहरिन्छ ।

३.
ठूलाबडालाई पुस्तक उपहार टक्य्राउनु पर्छ
सानामूलालाई करले किनाएर कक्र्याउनु पर्छ
विसङ्गतिको खोरिया फाँड्ने खलो हो साहित्य
आफैँ विसङ्गत भएरै विसङ्गतिलाई घोक्र्याउनु पर्छ ।

०००
सिनामङ्गल, काठमाडाैं