नेपाली हास्यव्यङ्ग्य अनलाइन पत्रिका

भाेजराज रेग्मी मुखाले :

जिन्दगीमा रहर पनि जहर हुँदो रै छ
त्यै जहर पिउँदै बाँच्ने रहर हुँदो रै छ।

मुखमा श्रीराम ! बगलीमा छुरा भएपछि
अभागीलाई कृपा पनि कहर हुँदो रै छ।

दाइँ गर्न खनखाँचो भएपछि के लाग्छ र !
बेलामौका बोको पनि बहर हुँदो रै छ।

बोल्नेकै पिठो बिक्छ, यहाँ जहिल्यै पनि
नराधमलाई न्याय मिल्ने ठहर हुँदो रै छ।

जो आशलाग्दो उही जेठाजु परिदिएपछि,
सागर पनि खुम्चिएर नहर हुँदो रै छ।

०००