नेपाली हास्यव्यङ्ग्य अनलाइन पत्रिका

उदयपुर, ०८० असाेज १० । जेष्ठ नागरिकलाई समाजको चेतनाका संवाहक ठान्दै लघुकथा लेखेर र प्रशिक्षण दिएर लघुकथा प्रतिष्ठानले विश्व जेष्ठ नागरिक दिवस मनाउने निर्णय गरेको छ ।

विश्व जेष्ठ नागरिक दिवस असोज १४ गते दिनभरि लघुकथा प्रतिष्ठान नेपालको पृष्ठमा प्रकाशित लघुकथाहरु समेटी सहप्रकाशन सन्दर्भ पत्रिकाले लघुकथा सँगालो प्रकाशन गर्ने भएको छ । त्यसका लागि यस्ता नियम तोकेको छ-
१. सन्दर्भ- जेष्ठ नागरिक दिवस लेखेर सुरुआत गरिनुपर्ने ।
२. जेष्ठ नागरिकलाई केन्द्रमा राखी लेखिनुपर्ने ।
३. विशेषतः जेष्ठ नागरिकप्रति सम्मान दर्सिनुपर्ने ।

लघुकथा प्रतिष्ठानले बेलुका ७ः३० बजे नियमित लघुकथा प्रशिक्षणको काम गर्दै आएको छ । यसका लागि फेसबुक र युटुभ लाइभको उपयोग गरी सिकारु र जिज्ञासुहरुलाई प्रशिक्षित तुल्याउँदै आएको छ । जेष्ठ नागरिक बारेका ती लघुकथाहरुलाई प्रशिक्षण कार्यक्रममा समावेश गरिने धारणा संयोजक मनोहर पोखरेलले जनाएका छन् ।

प्रतिष्ठानको दोस्रो वार्षिकोत्सब यही कार्तिक ३ गते पर्छ । सो अवसरमा बुढ्यौली विषयक लघुकथाको आह्वान यस अघि नै गरिसकेको बताउँदै प्रतिष्ठानकी संस्थापक लक्ष्मी रिजाल भन्नुहुन्छ जेष्ठ नागरिकको बारेमा आह्वान गरिएको यो अनुरोधको लक्ष्य भनेको ३ गतेकै कार्यक्रमको तयारी सम्बन्धमा हो ।

०००
– नन्दलाल