नेपाली हास्यव्यङ्ग्य अनलाइन पत्रिका

प्रेमजङ्ग र प्रेमकुमारीका सुपुत्र रामकुमार पाँडे र जावलाखेल, ललितपुरमा २००३ असार २५ गते जन्मिनु भएकाे हाे । वरिष्ठ नेपाली हास्यव्यङ्ग्यकार पाँडे प्राध्यापन सेवाबाट निवृत्त हुनुहुन्छ । पाँडेको पहिलो प्रकाशित निबन्ध ‘म अग्लाो भएँ’ (२०१८) हाे । उहाँको पहिलो हास्यव्यङ्ग्य कृति भने कौवा प्रकाशनबाट प्रकाशित ‘ख्याल-ख्याल’ (२०२३) रहेको छ । यसैगरी ‘सञ्चै छ’ (२०२५), ‘खप्पर !’ (२०२३), ‘मोज गर्नोस्’ (२०२७), ‘बाह्रमज्जा’ (२०३०), ‘बाबुको बिहे’ (२०३३), ‘सिङ न पुच्छर’ (२०३६), ‘रसरङ्ग’ (२०४२), ‘चारखुट्टेको चमत्कार’ (२०४८), ‘ताल बेताल’ (२०४९), ‘थुइक्क’ (२०५९) र ‘श्री पाँडेको सरकार’ (२०६३) गरी दर्जन बढी व्यङ्ग्य कृतिहरू प्रकाशित छन् । ‘वासुदेव लुइँटेल पुरस्कार, २०६०’ लगायत दर्जनौँ पुरस्कार तथा सम्मानबाट सम्मानित पाँडे ‘कलियुग द्वैमासिक’ लगायत थुप्रै पत्रपत्रिकाहरू सम्पादन गर्नुभएको छ । विभिन्न अन्तर्राष्ट्रिय हास्य सम्मेलनमा सहभागिता जनाइसक्नुभएका पाँडेका व्यक्तित्व र कृतित्वको बारेमा शोधपत्रहरू समेत तयार भएका छन् ।