नेपाली हास्यव्यङ्ग्य अनलाइन पत्रिका

डा. लोकेन्द्रप्रसाद पौड्याल :

जन्मदिनमै पिठ्यूँ चढि सुरु दिनगन्ती
त्यसपछि त आयू-मिटर चालुु खनखन्ती ।

पलपलमै घट्ने उमेर कट्दै बाल्यकाल
अनि चढ्ने यूवा सिँडी पुग्न बुुढेसकाल ।

बिगत गन्दै आउने दिन हुँदै वर्तमान
भविष्यको बाँकि दिन नजानिँदो ज्ञान ।

जतिजति बुुढो भयो उति गल्ने मन
थाक्दै जाने हातगोडा विश्राम खोजिकन ।

बेलाबखत मन पिरोल्ने रोगव्याधको काँडा
साथी संगत एक्लिएर हुँदै जाने टाढा ।

उमेरकै कारण कठिन चल्न जीवन रथ
सुस्तसुस्त अघि बढ्ने बुढ्यौलीको पथ ।

कतै उमेर छली गर्ने रहदैँन ठाउँ
सबै बुुढो हुुनै पर्छ यथार्थको नाउँ ।

सिमित वर्ष थेग्ने आयू जीवनको हार
जन्मेपछि भोग्नै पर्ने यमलोक प्रहार ।

०००
काठमाडाैं