भावना न्याैपानेवृद्ध अवस्थाको भोगाइ
बाचुञ्जेल कुनै कुरामा पनि राम्रो गरेनौ बाबु मरेपछि श्रद्धापूर्वक सोह्र श्राद्ध गरेर के काम ।
भावना न्यौपाने :
बाचुञ्जेल एक घुट्को पानी
कहिल्यै दिएनौ बाबु
मरेपछि जल चढाएर के काम ।
बाचुञ्जेल कहिल्यै एउटा
रोटी सोधेनौ बाबु मरेपछि
फलाहार चढाएर के काम ।
बाचुञ्जेल एउटा फलफूल
कहिले सोधेनौ बाबु मरेपछि
विभिन्न प्रकारका फलफूल चढाएर के काम ।
बाचुञ्जेल कुनै मठमन्दिर
घुमाउन लगेनौ बाबु मरेपछि
मन्दिरमा दान गरेर के काम ।
बाचुन्जेल कहिल्यै प्रेमले बोलेनौ
बाबु मरेपछि सम्झनामा
राखेर के काम ।
बाचुञ्जेल कहिल्यै एउटा औषधि सोधेनौ बाबु
मरेपछि सम्झनामा अस्पताल बनाएर के काम ।
बाचुञ्जेल कुनै कुरामा पनि
राम्रो गरेनौ बाबु मरेपछि
श्रद्धापूर्वक सोह्र श्राद्ध गरेर के काम ।
त्यसैले बाँचेकै समय
राम्रो व्यवहार गर,
प्रेम गर र सम्मान गर
मरेपछि दिएको कुरा
कसले के पाउछ …
कसले देखेको छ र ?
०००
भक्तपुर
Subscribe
Login
0 Comments
Oldest
