नेपाली हास्यव्यङ्ग्य अनलाइन पत्रिका

देवीप्रसाद मिश्र :

मात्र वयस्क छ लक्ष्य विहीन छ हुन्न भलाेजन याैवनले।
गर्छ परिश्रम वृद्ध बनाेस् किन, साेच उदात्त छ,साधनले।।
दीर्घ विचार छ,भित्र निखार छ ज्ञान उचाल्दछ बुद्धसरि।
वृद्ध भए पनि जो जन पूज्य छ बन्दछ नायक लोकभरि।।१।।

युद्ध जिते कति,वृद्ध हुँदा गति चित्त गयाे न त विग्रहमा ।।
भित्र कलेवर सभ्य, सधैंँभर, झुल्छ विहङ्गम जीवनमा ।।
थाक्छ न ता मन जीर्ण बनाेस् तन सत्य सदाशय कर्म गरी।।
वृद्ध भए पनि जो जन पूज्य छ बन्दछ नायक लोकभरि।।२।।

नत्र घमण्ड छ साेच अनन्त छ सन्ततिका अझ लक्ष्य प्रति ।
चिन्तन एक छ,नित्य बढून् पद साथ लिईकन अग्रगति।।
प्रेम सधैँभर, न्याय बराबर हुन्छ सबैसित ज्ञान छरी ।
वृद्ध भए पनि जो जन पूज्य छ बन्दछ नायक लोकभरि।।३।।

सङ्कट आउँछ कार्य समाल्नु छ,जानु छ दूर कतै भवमा।
हुन्न तथा,डर साथ सधैँभर वृद्ध कुनै यदि हाेस् सँगमा ।।
सारथि बन्दछ वृद्ध र युद्ध जितिन्छ सदा रण पार गरी ।
वृद्ध भए पनि जो जन पूज्य छ बन्दछ नायक लोकभरि।।४।।

हुन्छ युवा पनि आदर युक्त विहङ्गम साथ छ सभ्य कला।
जीवन साधन अग्रजबाट, लिई अघि बढ्छ र चढ्छ तला।।
सिक्छ उनैसित कार्यकला अझ हुन्छ समर्पित पाउ परी ।
वृद्ध भए पनि जो जन पूज्य छ बन्दछ नायक लोकभरि।।५।।

०००
आत्माराम न्यौपानेकाे संयाेजनमा भक्तपुर बुढ्यौली साहित्य समाजकाे अभ्यास श्रृङ्खला अन्तर्गत ।