टीका आत्रेयअसन्ताेष हाे राेग साह्रै नराम्राे
मलाई छ प्याराे यही स्वर्ग मेराे यहीँकाे पँधेराे यहीँकै कमेराे मलाई छ सन्ताेष जे मिल्छ राम्रो असन्ताेष हाे राेग साह्रै नराम्राे ।
टीका आत्रेय :
ससाना कुरामा खुसी खाेज्नुपर्छ
ससानै खुसीमा सुखी बन्नुपर्छ
त्यसैमा छ सन्ताेष आनन्द वर्षा
सधैँ दु:ख पीडा असन्ताेष गर्दा।
छ सम्भावना सृष्टि बाँझा गरामा
छ सम्पन्नता तृप्ति यी कन्दरामा
यहाँ मिल्छ सन्ताेषले देव धाम
असन्ताेषले छाेप्छ तारा र घाम ।
म सन्तुष्टिले याे धरा चुम्न पाऊँ
यही आँगनीमा म निद्रा बिसाऊँ
जहाँ बस्छ सन्ताेषकाे वास नाैलाे
त्यहाँ फुल्छ संसार साह्रै सुनाैलाे।
मलाई छ प्याराे यही स्वर्ग मेराे
यहीँकाे पँधेराे यहीँकै कमेराे
मलाई छ सन्ताेष जे मिल्छ राम्रो
असन्ताेष हाे राेग साह्रै नराम्राे ।
०००
भक्तपुर बुढ्याैली समाजकाे छन्दअभ्यासबाट सुटुक्क
Subscribe
Login
0 Comments
Oldest
