घोषणा-पत्रको बजार !

उसले आफूले आफैलाई सोध्यो ! घोषणा-पत्रको पात्र र ममा के फरक छ ? घोषणा-पत्रको रङ्ग र मेरो रगतको रङ्ग कुन गाढा छ ? घोषणा-पत्रको अनुहार र मेरो अनुहारमा के अन्तर छ ?

नेताज्यूबाट !
करतल ध्वनि सहित !
चुनावी घोषणा-पत्र जारी भयो !
तर !
घोषणा-पत्र पढेपछि !
रामबहादुर भने अक्कबक्क पर्यो !

घोषणा-पत्रमा !
उसका छोराछोरीहरूले पढ्ने स्कुलहरू थिएनन् !
काम गरेपछि सुस्ताउने चौतारीका बरपिपलहरू थिएनन् !
बृद्धआमा, बाले आड लगाउने बलिया भित्ताहरू थिएनन् !
विडम्बना, घोषणा पत्रमा…
ठूला ठूला साहुमहाजनका बैंकहरू थिए !
ठेकेदारका ठेक्कापट्टाहरू थिए !
खरका झुप्राहरूका कथाहरू थिएनन् !
तर !
दरबारहरू थिए !
आलिशान महलहरू थिए !

घोषणा-पत्र पढेपछि !
रामबहादुर अलमल्लमा पर्‍र्यो !
घोषणा-पत्रमा !
इमान र जमानका कथाहरू थिएनन् !
नेपालीहरूले विदेशमा पोखेका आँसुका दहहरू थिएनन् !
राता गुराँस फुल्ने न पाखाहरू थिए,
न खेतबारीमा फल्ने धान र मकै थियो !
विडम्बना, घोषणा-पत्रमा !
देशको सपना लुट्ने दाउहरू थिए !
बेइमान र ठगहरूको उन्मुक्त हाँसो थिए !
इमान र जमानको रङ्गहरू थिएनन् !
तर !
सत्ताका असिमित भोक थिए !
अग्ला सिंहासनहरू थिए !

घोषणा-पत्र पढेपछि !
रामबहादुर अल्मलमा पर्‍यो !
उसलाई आफ्नै माटो बिरानो लाग्यो !
उसलाई आफ्नै सपनाले घोच्यो !
अनि !
उसले आफूले आफैलाई सोध्यो !
घोषणा-पत्रको पात्र र ममा के फरक छ ?
घोषणा-पत्रको रङ्ग र मेरो रगतको रङ्ग कुन गाढा छ ?
घोषणा-पत्रको अनुहार र मेरो अनुहारमा के अन्तर छ ?

०००
१६ कार्तिक, ०७९
गोरखा, हाल, काठमाडौँ

फित्काैलीको सूचना
बागमती प्रदेश सञ्चार कार्यालय लामो
भन अब के गर्छौ ?

भन अब के गर्छौ...

सुभाषचन्द्र देवकाेटा
हाम्रा बा !! तिम्रा बा !!!

हाम्रा बा !! तिम्रा...

सुभाषचन्द्र देवकाेटा
आजको हनुमान चालिसा

आजको हनुमान चालिसा

सुभाषचन्द्र देवकाेटा
जय !! भन्न सकिएन !

जय !! भन्न सकिएन...

सुभाषचन्द्र देवकाेटा
भूपू सांसदको वक-पत्र !

भूपू सांसदको वक-पत्र !

सुभाषचन्द्र देवकाेटा
जय जय कुर्सीदेवी

जय जय कुर्सीदेवी

लक्ष्मण नेवटिया
कालो बादल !!

कालो बादल !!

कलानिधि दाहाल
स्वर्ग

स्वर्ग

डा.लोकेन्द्रप्रसाद पौड्याल
तिम्रो सरकार तिमी नै चलाऊ

तिम्रो सरकार तिमी नै...

शिवप्रसाद जैशी
काँडा

काँडा

प्रेम राई ‘परीक्षित’
बा

बा

दीनानाथ पाेखरेल