नेपाली हास्यव्यङ्ग्य अनलाइन पत्रिका

सक्छौ ? नेपाल भारतमा मिसाइदेऊ !
नत्र मन्द बिष थैली मिल्काइदेऊ !

सार्वभौम नेपालको कार्यकारी बन्छन् ।
भारतैले टाँसिदे’को जुँगा दारी भन्छन् ।
दलित, महिला, जनजाति, मधेशीका कुरा,
कुर्सी पाउँदा बिर्सि हाल्छन् गाउँबेशीका कुरा।

सक्छौ ? नेपाल भारतमै मिसाइदेऊ,
नत्र ढाँट्को यो भारी बिसाइदेऊ ।

पहिले युद्ध लड्दा लड्दै नालापानी छाम्यो,
अहिले राष्ट्रियता भन्दै कालापानी काम्यो ।
गण्डकी र कोशी बेचे बेचे महाकाली,
एमसीसी र नागरिकता खोज्दैछ रे ताली ।

सक्छौ ? नेपाल भारतमै मिसाइदेऊ,
नत्र लेण्डुप यो भारी बिसाइदेऊ ।

भन्सार तेब्बर तिर्नुपर्छ महंगीको मारमा,
’विषादी खाई मर ! ’भन्छौ कहिले चढ्नु कारमा ?
उत्पादनको चिन्ता छैन, बाँझो कतिकति ?
जनता खाडी जान्छन् केलाई बन्छौ राष्ट्रपति ?

सक्छौ ? नेपाल भारतमै मिसाइदेऊ,
नत्र झुठको कुटुरो बिसाइदेऊ ।

०००
खाँदबारी